In 2021, the Nungalinya Board endorsed the Nicene Creed as an authoritative summary of the College’s beliefs:

English:

We believe in one God,
      the Father almighty,
      maker of heaven and earth,
      of all things visible and invisible.

And in one Lord Jesus Christ,
      the only Son of God,
      begotten from the Father before all ages,
           God from God,
           Light from Light,
           true God from true God,
      begotten, not made;
      of the same essence as the Father.
      Through him all things were made.
      For us and for our salvation
           he came down from heaven;
           he became incarnate by the Holy Spirit and the virgin Mary,
           and was made human.
           He was crucified for us under Pontius Pilate;
           he suffered and was buried.
           The third day he rose again, according to the Scriptures.
           He ascended to heaven
           and is seated at the right hand of the Father.
           He will come again with glory
           to judge the living and the dead.
           His kingdom will never end.

And we believe in the Holy Spirit,
      the Lord, the giver of life.
      He proceeds from the Father and the Son,
      and with the Father and the Son is worshiped and glorified.
      He spoke through the prophets.
      We believe in one holy catholic and apostolic church.
      We affirm one baptism for the forgiveness of sins.
      We look forward to the resurrection of the dead,
      and to life in the world to come. Amen.

Kriol:

Wi bilib langa wanbala God,
im na det Dedi, weya garram ola pawa.
Imbin meigim hebin, en dijan graun. Imbin meigim ebrijing weya wi gin luk
en ebrijing weya wi kaan luk du.

Wi bilib langa wanbala Bos, Jisas Krais. Im na det oni San blanga God.
Bifo enijing bin jidan,
imbin jidan garram Dedi God,
en im kipgon jidan olagijawan.
God brom God, Lait brom Lait
Trubala God brom trubala God.
Imbin deya garram Dedi God, olataim.
Imbin oldei det San blanga God;
God nomo bin meigim im.
Dumaji im God, seim laik im Dedi.
En thru det San na, Dedi God bin meigim ebrijing.

Imbin kamdan brom hebin
blanga jidan garram wi, en blanga seibum wi.
Blanga tharran na det Holi Spirit bin kaman, en jidan langa Meri,
en bambai Jisas bin bon.
Blanga wi na,
Jisas bin gibit miselp blanga go thru langa det trabul:
wen Panshas Pailat bin det lida, deibim neilimap Jisas langa det kros.
Deya na imbin dai
en afta, deibin pudum im langa det greib.

Thrideistaim Jisas bin gidap laibala
laik ola speshalwan mesinja blanga God
bin tok longtaim;
en imbin gowap langa hebin
weya im jidan raitensaid langa Dedi God.
Im garra kambek igin
garram im shainiwan lait en detmatj pawa,
blanga kotim ebribodi;
detlot pipul hu jidan laibala,
en detlot pipul hubin dai du.
En afta, Jisas garra jidan Bos, olagijawan!

Wi bilib langa det Holi Spirit,
det Bos, weya gibit wi laif,
hubin kaman brom det Dedi en det San.
Garram det Dedi en det San,
wi garra weship
en libdimap im neim brabli haibala.
Det Holi Spirit bin tok thru langa detlot speshalwan mesinja brom God.

Wi bilib God bin meigim Kristjan pipul
jidan wanbala nyukurrwan tjetj olagijawan,
hubin kaman brom detlot aposul.
Wi bulurrum oni wanbala beptisim
weya God larramgo fri detlot pipul brom olabat nogudbalawei.
Wi weidabat blanga det taim wen God garra meigim pipul gidap laibala brom dedbala
en wen wi garra jidan olagijawan
langa det nyubala hom weya kaan neba binij.

Trubala.